هدخل فى الموضوع ببساطه
البنت تيجى تهزر قدامها تقول عليك تافه
البنت تيجى تتكلم بجد وباحترام وبلباقه تقول عليك معقد
البنت تيجى تكلمها كلمتين حلوين تتغر وتاخد فى نفسها قلم ومسطرة
ثقافة البنات عموما تنقسم الى قسمين يا اما المطبخ والطبيخ او الفساتين والشنط او يحبوا يتكلموا عن فلانه وعلانه
تعالى كلم بنت عن الثقافات القديمه والعلوم والفنون تقولك تامر حسنى و الجيل اللى فى شعرة
البنت اخرها تقعد فى البيت قدام التلفزيون اللى مبوظ دماغها وواكلها ولاعب فى تفكيرها
الريجيم يوووووووووة الطخينه عاوزه تخس والرفيعه عاوزه تطخن
اما عن الحب بقى ياسلام
البنوته من دول تتحب من هنا وتيجى فرصه من هنا تخلع تقفل موبايلها او تغير الخط و تعملها ايميل جديد يعنى معندهاش شجاعه تواجه اللى كانت بتحبه خووف بقى طالما كده بتحبى ليه
البنت تحب وتعمل فيها سعاد حسنى من هنا وهيا اصلا نعيمه الصغير
البنت جوه البيت غير بره البيت
كمان البنت لما بتتغابى يا ساتر يارب بتبقى زى شيخ الغفر فى الكفر حيدانا.....
عموما حركات البنات متنتهيش ومحدش يزعل من البنات علشان دى طبيعه موجوده فيهم بس كل بنت اكيد جواها جوهره بتنور فيها لازم كل واحد يكتشف مكان الجوهرة دى ويلمعها ويحافظ عليها