السؤال دة لكل الاولاد اللى فى المنتدى

[b][color=cyan]انا هبدا الاسئلة وعاوزة كل الاولاد اللى فى المنتدى يدخلوا ويردوا عليا

[انا عاوزة اعرف لية البنت مش من حقها تحب مرة واتنين وتلاتة
ولية لما تحب واحد ويعرف انها حبت واحد قبلة تبقة قليلة الادب
ومش ينفع تكون فى يوم زوجة لية او يفكر انة يرتبط بيها

ياريت حد يرد عليا

لان الراجل ما يعيبوش حاجه الا جيبه اما البنت اى كلمه بتطلع عليها حتى لو كذب بتبقى بنت مش كويسه لان الناس مش هتقول كده من فراغ اكيد حاجه خليتهم يقولوا كده

بس البنت عندها عواطف زى الولد واكتر يعنى من حقها تحب وتتحب زية بالظبط

مع احترامى ياحمادة دى مش راى صح ودة من وجهة نظرى ووممكن كتير معاك فية

السؤال دة لكل الاولاد اللى فى المنتدى 393842069

انا معااكى يادودو بس دا حال الدنيا
والمعروف عن البنت الحياااااااااااء
ودا الى لما بنت تكلم ولد يقولوا عنهااا معدومت الحيااااء
وبجد سؤال جاامد وعاوزين رد صريح من الولاد اكتر

للاسف دى بتكون انانية من الولد وانا مش معاك يا حمادة فى رايك على الرغم انى معرفكش سورى بس انت حكمت من غير ما تاخد بالك ان مش كل البنات زى بعضها وان البنت دايما بتكون ضحية لكلام ملوش اساس ...يعنى من اختراع الصبيان واكيد انت فاهم قصدى

كلامك صح يا بسبوسة ينفع للبنت تحب ١ و ٢ و ٣ علشان البنت اكيد بتكون مليانة احاسيس و عواطف و لو اتصدمت ف اول حب مش د اخر الدنيا . المفروض تعرف مين البيحبها و تحبو واكيد يعني البيحبها هيحترما و بالنسبة لنظره الولد للبنت انها حبت كتير فا مينفعش يحبها الولد.. الولد مش بيفكر صح دي الحقيقة.

منور المنتدى ياكيمو
ميرسى ع المشاركة والراى الجميل دة

موضوع: رد الخميس أغسطس 13, 2009 3:55 am

من حق أى بنت تحب مرة أو اكثر لكن بحدود واذا ترك ولد بنت لان عرف أنهاحبت قبله دة مكنش حب كان بيسلى.
ومش لازم تزعل عليه.

مين قال كده البنت من حقها تحب 24 مرههو احنا هنحلل كل حاجه بمزاجنا

هوة دة التفكير
ميرسى يا عمر ع المرور

كلامك صح يا رايق لان المقولة بتقول قلب البنت يحب 24 مرة وقلب الولد ميحبش الا مرة وحده
بس فى حاجه انا عايز اقولها
ليه حب البنت ميبقاش حب صامت يعنى يكون بينها وبين حبيبها بس وان لازم الناس متعرفش عن الحب ده حاجه لان احيانا الناس بتفسر بمزجها وممكن تفسر الحب ده تفسير خاطى
وعلى فكرة قلب الولد مبيحبش الا مرة وحده مهمن اتكلم مع بنات او مشى معاهم برضه قلبه بيفضل متعلق بوحده فقط الى هو حبها
يعنى فى فرق بين ان الولد يحب وانه يمشى مع بنت والفرق كبير جدا
اما الزواج ده حدوته تانيه خالص غير الى انتى بتحكى فيهومفيش علاقة بين الحب والزواج
لان اغلبية الى بيحبوا بعض نادرا لما يكون بينهم زواج والبنت بعد الجواز حاجة وقبل الجواز حاجة تانية خالص
وشكرا يابسبوسة على المجهود الرائع

متوقع منك طبعا الرد الجميل دة ياميدو
بس قولى البنت الوحيدة اللى الولد بيحبها دى لازم تكون اول مرة يحب فيها؟
وعلى فكرة البنت مش بتعرف تدارى حبها زى الولد لان نظرة عنيها بس لية بتبين كل حاجة وتخلى اللى مايعرفش يعرف

وتانى مرة منور المنتدى ومشكور ع المشاركة

كحب انا قولت انه مبيحبش الا واحده فقط ومن الممكن انه يكون مشى مع بنات غيرها لكن اول ما شفها قلبه اتسحر بيها ونسى كل الى غيرها

وعلى فكرة ممكن يكلم الى بيحبها ويكلم معاها بنات تانين
بس قلبه متعلق بيها فقط
اما الباقى فاعتبريه تسلية زى مبيقوله اليومين دول

ايه الفرق بين الولد والبنت
من حق البيت تحب كذا مره بس بحدود
ما الولد بيحب كذا مره بس محدش هيعيبه لانه راجل
انا من رايى ان البنت تحب مره واتنين....
البنت العاقله عمرها ماتحب اكتر من اتنين
ممكن تتجرح من واحد او اتنين
وممكن تحب واحد تفضل نعاه طول عمرها
يعنى لو فكرت تحب حد سواى البنت او الولد
لابد من انك تفكر قبلها لان الحب مش لعبه
ولا البنات مش لعبه وفى بعض البنات هم اللى بيحكموا فى الولد
الولد بيكون واقع واقعه سوده
انا عن نفسى اتجرحت مرتين
وعادى مزعلتش عليهم ولا فى دماغى
السؤال دة لكل الاولاد اللى فى المنتدى Icon_smile

والله الردود جميلة بس ياترى لو حبيت واحدة وعرفت انها حبت قبلك هيكون اية موقفكم

Some girls are all uniform Elly kidding remains flattering to their

» اللى يوصل رقم 8 يكون أطيب قلب فى المنتدى
» كل اللى فات لنجم الجيل
» ازاى تعرف اللى بيكلمك؟
» اغنيةعملت اللى عليا(محمدعبدالمنعم)
» اقرأ الجملة دى وشوف ايه اللى هيحصلك